孕婦注意！預防早產 4大方法

根據世界衛生組織嘅定義，懷孕未滿37週而生產就稱為早產。而早產BB所面對嘅健康問題有好多，如：呼吸困難、腦出血、壞死性腸炎及視網膜病變等。雖然早產無法完全避免，但以下幾個方法有助減低早產機會，大家不妨參考一下。

1. 定期檢查

一旦懷孕，媽媽就應該要定期進行產檢，確保胎兒健康之餘，亦可了解到自己的身體狀況，有冇出現異樣，如：子宮肌瘤、子宮畸形、妊娠糖尿等。及早發現先能夠得到最合適嘅治療。

Photo from MamiDaily

2. 避免操勞

懷孕期間避免舟車勞頓，亦唔好站立太長時間，以免過度壓迫宮頸口。如果媽媽從事需要長時間站立或走動嘅工作，應定時坐下休息。

Photo from MamiDaily

3. 注意飲食

媽媽喺懷孕期間要注意飲食，避免進食高脂肪、煎炸、刺激性食物。另外，亦應戒煙及酒。

Photo from MamiDaily

4. 避免性生活

懷孕後期，約32週後，應避免進行性生活。因子宮增大，對所有外來刺激都變得敏感，好容易出現宮縮。另外，因為胎兒已經成熟，孕婦子宮口亦開始張開，若進行性行為，或會增加羊水感染嘅機會。

Photo from MamiDaily

Text：Mami Editorial