【父母必睇】高智商寶寶10個徵兆！

每對父母都認為自己嘅BB係最叻最醒目嘅，究竟高IQ嘅小朋友有咩特徵呢？食得多？喊得多？定瞓得多？根據英國媒體《太陽報》嘅報導，各10個小朋友高IQ嘅特徵！

Photo from MamiDaily

1. 初生嬰兒：比較重磅
《英國醫學雜誌》發表一項對超過3,000個嬰兒嘅研究，結果發現BB出生時體重愈重，智商就愈高。原因或者同佢哋喺母胎時獲得更多更好嘅營養有關！

2. 1歲至2歲：聽得明一種以上語言
根據《兒童發展科學雜誌》嘅硏究報告，使用唔同語言同小朋友對話，能夠鼓勵幼兒大腦發育。因此，小朋友明白母語以外嘅其他語言或聽得明一種以上語言，絕對能夠刺激孩子嘅腦部發展。

Photo from MamiDaily

3. 3歲：比同齡小朋友高
美國國家經濟研究局嘅研究結果指出，身材高大嘅人成就或較高。高啲嘅小朋友喺3歲上學前，已經受到他人注意，研究人員指出佢哋喺整個童年時期嘅認知測試表現較好！

4. 4歲：畫到人像
喺呢個階段嘅小朋友，能夠創造出真實人類形象嘅藝術，喺未來嘅日子會變得更聰明。倫敦國王學院嘅研究人員分析咗15,000張由4歲小朋友繪畫嘅圖片，發現有藝術家特質嘅小朋友，比同齡嘅小朋友智商高啲。

Photo from MamiDaily

5. 5歲：識講大話
據加拿大多倫多大學兒童研究學院提出，小朋友早喺5歲時識得講大話，長大後有更好嘅能力。研究團隊搵咗1200個2至17歲嘅小朋友參加研究，小朋友愈早學識講大話，證明佢哋有更高嘅IQ，原因係說謊需要作一個新嘅故事，同時亦需要組織能力及控制情緒。

6. 6歲：玩樂器
佛蒙特大學醫學院嘅研究團隊分析咗232個6至18歲健康兒童嘅腦部掃描結果，發現識得嘅樂器愈多，情緒管理嘅技能就愈好，絕對可以提升佢哋嘅情感智慧。

Photo from MamiDaily

7. 7歲：閱讀能力好
科學家發現，細個時閱讀大量圖書係未來幾年發展更高智力嘅關鍵指標。根據愛丁堡大學同倫敦大學國王學院嘅聯合研究表示，7歲時閱讀能力高於平均水平嘅小朋友，喺智商測試中嘅表現較好。

8. 8歲：開始夜瞓
倫敦經濟學院嘅研究表明，較聰明嘅成年人經常捱夜，而且大部份人都係從小就開始養成呢種習慣。研究人員補充，愈聰明嘅孩子，長大後更易成為「夜鬼」，佢哋無論係平日定週末，一般都係晚睡晚起。

Photo from MamiDaily

9. 9歲：食豐富早餐
小朋友喺呢個年紀如果鍾意每日都食一餐豐富嘅早餐，佢哋考到更高平均分嘅機會超話50%。另外，亦帶研究指出，豐富嘅早餐對學生嘅學習表現帶重大嘅影響。

10. 10歲：喜歡交談
高智商組織MENSA其中一啲高IQ指標包括熱愛談話、為棋盤遊戲設定唔同嘅規則同討厭其他孩子等。父母想知自己嘅小朋友同其他人比，IQ係咪高啲，不妨帶佢哋去測試！

Photo from MamiDaily

Text：Mami Editorial