探初生BB 5大禮儀

身邊親朋戚友啱啱生完BB，個個都急不及待想去探BB同媽媽。不過，大家出發之前有幾點一定要注意，如果唔係就會為佢哋帶來不便，甚至激嬲佢哋。

Photo from MamiDaily

1. 探訪時間

媽媽啱啱生完BB，好需要休息。探訪者應該要體諒媽媽，避免太急切要求去探望，例如前往醫院、坐月期間上門。另外，亦應預先同媽媽約好日子時間，並且集中親朋戚友同時間探望，以免媽媽疲於奔命接待。

Photo from MamiDaily

2. 送禮

親朋戚友去探BB同媽媽，大部分人都會預先準備禮物。有人會買BB車、BB餐椅、奶樽等物品，但其實依類物品，媽媽基本上早已有齊，再送都用唔著，只會造成浪費。所以，喺選購禮物時，不妨先向媽媽了解有咩需要，送出合適且實際嘅禮物。

3. 注意衛生

啱啱生完BB嘅媽媽，及初生BB，抵抗力都比較差。上門探訪嘅親朋戚友必須要注意衛生，入屋後應馬上洗手，而且喺摸BB或抱BB前，要先徵求媽媽同意，唔好隋便「出手」。

Photo from MamiDaily

4. 唔好「大細超」

雖然話就話去探BB，但切記唔好忽略媽媽。明白大家當然想睇BB、同BB玩。不過，探訪者亦應關心媽媽嘅狀態，慰問一下媽媽，例如：身體好啲未？有咩需要幫手？避免令媽媽覺得自己生完BB，個個都淨係緊張BB，冇人理自己。

Photo from MamiDaily

5. 指指點點

有啲人好鍾意「專家上身」，同媽媽分享個人經驗、湊仔經。但其實每個人嘅情況都唔同，如果媽媽有需要會向大家請教，否則就盡量避免多口，為媽媽帶來更大嘅壓力。

Text：Mami Editorial