download MamiDaily 親子日常 app
仔女唔肯食飯好激氣? 即睇6大解決方法

仔女唔肯食飯好激氣? 即睇6大解決方法

mami熱話
By Circle on 01 Aug 2019
Digital Editor

由餵奶、加固到食飯,呢一條餵食之路有好多煩惱,而最難解決嘅就係仔女唔肯食飯。有時佢哋心情唔好,仲會掃晒成啲食物落地,真係好頭痛!想有效解決佢哋唔肯食飯呢個問題,不妨參考一下呢6個方法啦!

MamiDailyPhoto from MamiDaily

1. 建立良好用餐習慣
由細個開始,培養小朋友良好嘅用餐習慣。最好大概由1歲開始,家長就唔使主動餵佢哋,反而畀機會小朋友自己食飯,等佢哋探索食嘢嘅方法。就算食到周圍到係,又或者有時會浪費少少食物,都唔使急住指責,因為係佢哋學習過程嘅一部份。

2. 親子共食
小朋友由細開始已經好鍾意模仿大人嘅行為,爸爸媽媽同小朋友同枱食飯,一方面可以陪伴佢哋,另一方面喺食飯時間同佢哋多互動,例如介紹唔同嘅食物、傾吓偈咁。小朋友見到自己同大人食一樣嘅食物,就覺得自己係一個小大人,食嘢都食多啲啦!

MamiDailyPhoto from MamiDaily

3. 花心思裝飾
有時明明煮咗啲小朋友好鍾意食嘅嘢,但佢哋完全唔畀面唔肯食嘅話,媽媽就要喺食物度花啲心思。例如買啲唔同形狀嘅模,將白飯整成飛機、心型咁嘅形狀,又或者買一啲靚靚裝飾,插喺飯面,肯定能夠大大增加佢哋進食嘅意欲。

4. 轉食譜
小朋友都係貪新鮮嘅。如果一段時間都係食一樣嘅餐單,唔好話小朋友,大人都唔想再食啦!所以家長平時食飯時,可以留意吓佢哋嘅口味,喺加入新食物時,都繼續放一啲佢哋鍾意食嘅嘢,咁就唔驚佢哋咩都唔食啦。

MamiDailyPhoto from MamiDaily

5. 耐心解釋後果
小朋友唔肯食飯,爸爸媽媽一般會用好多辦法、好多時間?佢哋。較有效根治呢個問題嘅方法,當佢哋唔肯食飯時,爸爸媽媽就應該同佢哋解釋:如果唔食飯嘅話,咁就要等到下一次食飯時間先可以再食,而唔係隨時想食就可以食。無論佢哋點喊、點嗌,父母喺呢個時候一定唔可以心軟,要畀佢哋知道後果。當佢哋知道唔食嘢會肚餓,久而久之就唔會再亂扭計。

6. 預備幾套餐具
好多時媽媽見到靚餐具都忍唔住買返去,其實得閒轉換一吓餐具、碗碟可以吸引到小朋友嘅眼球,從而令佢哋唔會抗拒食飯。佢哋雖然會當餐具係玩具,不過就更願意進食!

MamiDailyPhoto from MamiDaily

Text:Mami Editorial

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道