一家大細去旅行！BB搭飛機6大常見問題

好多父母生完BB後，都急不及待帶埋BB一齊去旅行。不過要帶住BB搭飛機，絕對可以話係一項重大嘅挑戰！今次就為大家拆解一啲帶BB搭飛機嘅常見問題，畀大家可以做足準備。

1. BB幾歲先搭得飛機？

BB出世後滿一周，並且持有有效證件即可搭飛機。

2. 嬰兒機票 / 兒童機票嘅分別？

大部分航空公司都將2歲以下定為嬰兒，可以購買嬰兒機票，而嬰兒機票係並不佔座，BB需要坐喺成人嘅大腿上。而2歲以上至12歲以下則可購買兒童機票。另外，如未滿6歲嘅乘客，係必須要有一位18歲或以上嘅旅客陪同，先可以乘搭飛機。

3. 飛機更冇嬰兒餐提供？

每間航空公司不一。若果航空公司本身有提供飛機餐，家長可以事先向航空公司查詢並預訂嬰兒餐、甚至奶粉。而一般嬰兒餐會提供一盒兒童果汁及糊仔類食物。

4. BB車點處理？

部分航空公司可以畀家長將BB車帶上機。若將BB車寄艙，家長可以將BB車推到登機閘口，先進行寄艙。一般都會有地勤人員協助，並且提供保護套，將BB車包好。

5. 有冇特別通道？

部分航空公司有設立特別通道畀家庭及嬰兒辦理登機手續，亦可以優先上機。

6. 如何解決BB耳仔痛問題？

吞嚥動作有助平衡耳內外壓力，家長可以畀BB飲奶、吮食奶咀等，令BB保持耳咽管通暢。另外，亦可透過睇電影、聊天、唱歌等方式，分散BB注意力。

Text：Mami Editorial