生仔十級痛！生完仲痛！媽媽產後要面對的4種痛

好多人成日話生仔十級痛，生完就解脫。但大家，甚至媽媽都未必估到，「卸貨」後所要承受嘅痛楚絕不比生仔少。相信不論係順產定剖腹嘅媽媽都一定經歷過。

Photo from MamiDaily

1. 子宮收縮

生完BB，第一個要面對嘅痛楚就係子宮收縮痛。由於媽媽啱啱生完BB，子宮未完全收縮，就好似喺肚入面有個波咁。子宮收縮同陣痛好似，會扯住扯住痛，痛下又停下。多數會維持數日，甚至長達一星期。

2. 子宮脫垂

媽媽喺生產過程中用力不當，或產後未有好好休息，長時間站立或蹲下，可能會令子宮脫垂。若子宮脫垂，媽媽嘅下腹、陰道或外陰都會出現墜脹感；企得太耐、行路或勞動時會加重症狀。

Photo from MamiDaily

3. 傷口痛

無論媽媽係順產定開刀，都一定有傷口。只要一郁，傷口就會痛，坐立不安又瞓唔到，真係好大嘅折磨。另外，如果傷口處理得唔好，仲好易會生肉芽，特別化會陰傷口嘅肉芽，更加係難於發現。

4. 恥骨痛

恥骨痛唔止係臨盆時會出現，生完BB一樣會有！媽媽喺分娩嘅時候，為咗令BB可以順利出世，需要用盡全力將恥骨撐開，依個動作可能會令恥過同附近嘅韌帶損傷，導致恥骨痛。媽媽生完BB行路時，若感覺到下腹墜痛，雙腳難以開合，好大機會係產後恥骨痛。

Text：Mami Editorial