水樽「啜」住舌頭 6歲男童急動手術保命

英國一名6歲男童，被水樽口卡住舌頭，令舌頭腫脹並發黑，需要送到醫院，做手術將水樽拿掉，才得以保住性命。

上星期六，33歲媽媽Clare Wooff與6歲兒子Riley外出，駕車途中，坐喺後座嘅Riley突然大叫，指自己被水樽卡住了舌頭。當時Clare Wooff並未意識到事件嚴重，以為兒子可以自行解決。但後來發現兒子經過多次嘗試後，水樽蓋仍然緊緊吸住兒子嘅舌頭，而舌頭亦開始腫起來並出現發黑現象。媽媽非常驚慌，馬上報警將兒子送往醫院。

Photo from MamiDaily

送院後，醫生曾嘗試將水樽蓋取下，但不成功。於是，醫生向Clare Wooff表示，由於水瓶蓋卡咗喺舌頭後方，可能會塞住呼吸道，加上舌頭下方有大靜脈，若突然充血，更可能會導致心臟出現血液流通嘅問題。因此需要立即為Riley進行手術，將水樽蓋取下，否則Riley可能會有生命危險，甚至死亡。

手術由10名醫護人員一同進行，最後成功將水樽蓋取下，Riley除咗曾短暫失去說話能力外，身體並冇大礙，舌頭亦可正常活動。Clare Wooff將兒子嘅意外分享，呼籲大家將未有喺水樽口加裝安全裝置嘅水樽棄掉，同時要求將有關水樽全面回收。

Photo from MamiDaily

Text：Mami Editorial