母親求子心切 懷孕食「轉胎藥」 致女兒終身不育

內地一名15歲女孩小茹，因為一直未有來月經，於是媽媽帶佢到醫院檢查，發現佢天生冇子宮及陰道，並無生育功能。媽媽得悉後才「坦承」當年因求子心切，為誕男嬰，所以喺懷孕時曾服食來歷不明嘅「轉胎藥」。

Photo from MamiDaily

當時媽媽陪同小茹到醫院接受檢查，醫生為小茹進行超聲波檢查時，發現佢不但冇咗一邊腎臟，更連子宮及陰道都睇唔到。經進一步檢查後，證實小茹罹患MRKH氏症候群，即係「先天性冇子宮無陰道症候群」，一種罕見嘅生殖道發育畸形。醫生指，呢種女性核型及卵巢內分泌功能正常，但冇子宮、陰道嘅現象，好大機會係因為媽媽喺懷孕時，胡亂服用藥物或接觸放射線所致。

Photo from MamiDaily

當小茹媽媽得悉女兒沒有生育功能後，才向醫生坦承當年因為太渴求懷上男嬰，於是四出打探，最後食咗所謂嘅「轉胎藥」，一種坊間稱聲可以將腹中胎兒性別轉換嘅藥物。醫生指，透過藥物係絕對無法將胎兒性別更改，因胎兒嘅性別喺精子同卵子結合時已成大局。提醒孕婦切勿亂信坊間傳言，避免影響自己或胎兒的安危。

Text：Mami Editorial