只生一個BB嘅4個好處！

依家香港好多人結婚後，都考慮緊生唔生BB。生咗一個後，又要諗究竟生唔生多一個好？一個BB已經有好多煩惱，有時真係好佩服嗰啲生咗兩個以上嘅媽媽。各位如果打算生多一個BB嘅原因，只係希望仔女有玩伴一齊成長嘅話，不妨參考以下4個一孩家庭嘅好處。

Photo from MamiDaily

1. 父母壓力較小
湊一個BB真係要花好多心機，每日都忙到冇時停，電話都唔得明玩啊！教養一個小朋友要為佢計劃好多嘢，每行一步都有好多嘢要做。試諗吓要將呢啲煩惱全部倍增，壓力有幾大呢？白頭髮都生多幾條啊！

2. 親子關係較好
有兩個小朋友嘅父母照顧BB嘅時間被分散。獨生子女可以獲得父母100%注意力，陪伴佢哋嘅時間亦唔會因而減少。相處多咗，親子關係都會變得親密啲啦！

Photo from MamiDaily

3. 孩子較獨立
小朋友遇到困難時，冇兄弟姊妹可以一齊商量，佢哋可以學習點樣單獨解決問題。再大啲嘅時候，就唔會過份倚賴父母，可以獨當一面！

4. 獲得超過100%嘅關愛
當一個家庭只有一個孩子時，佢除咗可以獲得父母嘅注意外，仲有爺爺嫲嫲、公公婆婆同其他親朋好友嘅愛護，有咁多人錫佢自然會活得開心啦。不過家長注意唔好過份溺愛，唔係就適得其反啦！

Photo from MamiDaily

Text：Mami Editorial