【入門】BB進行BLW 5大常見問題

【入門】BB進行BLW 5大常見問題

mami熱話
ByJacqueline on 18 Jul 2019 Senior Editor

現時愈嚟愈多家長都會畀BB嘗試BLW,BLW即嬰兒主導斷奶,聽人講就聽得多,不過相信各位新手爸媽喺進行BLW前,或進行BLW嘅過程中,都會遇到唔少問題。今次就為大家拆解一啲有關BLW嘅常見問題。

MamiDaily
Photo from MamiDaily

1. 幾歲可以開始進行BLW?

一般都會建議等嬰兒嘅腸胃同消化系統發展成熟後,即6個月大左右,先開始嘗試BLW。除咗年紀,亦要考慮到嬰兒嘅能力,確保佢哋可以坐得穩及有手握能力,能夠自行拎起物件,並放入口中咀嚼。

2. BLW有咩好處?

BLW係由BB自己主導進食過程,BB喺觸摸食物及咀嚼時,其實都係訓練緊手部、口腔肌肉。另外,BB亦可以自行調節飲食份量,知道幾時飽,唔會咁易食過量及出現偏食問題。而BB與家長同桌進食,亦可以促進親子關係。

3. BB進行BLW會唔會好易哽塞?

廣告
廣告

令家長或長輩卻步,甚至抗拒畀BB進行BLW嘅原因,有部分是因為認為BB仲細,BLW好易令佢哋哽塞,好危險。但其實BB有Gag Reflexes(作嘔反射)嘅本能,如果食物太大件,BB吞唔到會識得吐返出嚟,家長不必過份擔心。不過同時亦建議家長應學習兒童急救,以備不時之需。

4. BLW初期,應該食咩?

BB初嘗BLW,建議先為佢哋準備一啲容易咀嚼,質地較軟身嘅食物,如南瓜、薯仔等。另外,最好採用蒸、烚、焗等烹調方式。

5. BB唔肯食 點算好?

要記住BB開始咗BLW後,即使對奶量嘅需求減少咗,但仍然未可以完全斷奶。如果BB好抗拒BLW,可以將份量調節,等BB淺嚐,再配合奶粉或母乳餵哺,慢慢適應及習慣。

Text:Mami Editorial

Share to Facebook