研究：BB愈似爸爸 或更健康

望住BB，成日都諗佢究竟似媽媽定似爸爸。近日有研究指，同爸爸愈似樣，BB會愈健康，爸爸仲會更願意照顧孩子！原來係咁！咁依家就算BB唔似自己都冇咁傷心啦。

Photo from MamiDaily

呢項研究由美國賓厄姆頓大學（Binghamton University）經濟系教授Solomon Polachek同埋佢嘅博士學生Marlon Tracey主導，佢哋一共分析咗715個由媽媽獨力撫養孩子嘅單親家庭。結果顯示，同爸爸似樣嘅小朋友，出世一年後更健康。

Photo from MamiDaily

有個同自己成個餅印小朋友嘅爸爸，比起後代同自己冇咁似嘅父親，每個月平均用多2.5日照顧仔女。Solomon Polachek教授表示，最直接嘅原因係因為佢哋可以好肯定個BB係自己所生嘅，令佢哋嘅責任感倍增，所以有個餅印小朋友嘅爸爸願意花多啲時間照顧佢哋。

Photo from MamiDaily

爸爸願意抽更多時間陪伴子女，同時亦會付出更多心思、精神及金錢教育孩子，實際嘅行動絕對會對小朋友嘅健康有正面嘅影響。

Text：Mami Editorial