推住BB車安全意識要提高！6大必睇注意事項

近日，有父母推住BB車使用扶手電梯時，喺就快到達嘅上一層嘅時候前轆意外卡住，令到扶手電梯急停，仲差啲發生悲劇。爸爸媽媽帶住仔女出街，推BB車要注意以下6個重點啊！

Photo from MamiDaily

1. 使用升降機
經常都有好多BB車喺扶手電梯發生意外嘅消息傳出，推住BB車最安全一定係乘搭升降機。就算排隊輪候嘅時間比較長，帶住BB最緊要安全第一，盡量避免發生任何意外。

2. 唔好掛重嘢
出街眼見好多BB車都放咗好多嘢，仲愈掛愈多嘢喺手把上面。咁樣BB車好容易失重心向後翻，上斜嘅時候更容易釀成意外。

Photo from MamiDaily

3. 唔好畀小朋友控制架車
當有BB喺BB車入面嘅時候，家長盡量唔好畀其他小朋友推車。小朋友仲細個，唔夠高又唔夠力，絕對唔能夠確保BB嘅安全，仲好容易兩個小朋友都會受傷㖭。

4. 扣好安全帶
BB好活躍又好動，有時喺後面推住架BB車未能及時見到BB有咩動靜，家長盡量任何時候都幫佢哋扣好安全帶。

Photo from MamiDaily

5. 唔好放太多雜物
有時驚BB凍會放張被畀佢，又會放個枕頭畀佢用，愈擺愈多嘢。有時啲雜物拖住地咁行其實好危險，可能會阻礙BB車行駛，行行下街不幸卡住咗，絕對會令BB受傷。

6. 注意BB年齡
買BB車時盡可能揀座位可調節嘅車，6個月以下嘅BB好多都未能坐立，盡量等佢哋平瞓。

Photo from MamiDaily

Text：Mami Editorial