婚前婚後差好多？婚姻從幻想破滅開始！

結婚前，對婚姻生活有好多大幻想，日日都好期待同對方一齊生活。不過自從真真正正變成人妻，發現「結婚」同自己想像好大出入。婚前婚後差好多？即睇幻想破滅嘅5個瞬間！

Photo from MamiDaily

1. 相見好 同住難
好多人拍拖時，都冇私人空間一齊生活。閒時見吓面都會嗌交，當兩人一齊住嘅時候，見盡對方最醜陋嘅面目，大把嘢會引發戰爭，真係「相見好，同住難」。

2. 以為思想一致
建立一個家庭，唔止要用大量資金，仲費神費時。好多嘢都想兩個人一齊計劃，以為大家諗法一致，去到落決定先至發現原來兩個人嘅分歧咁大。

Photo from MamiDaily

3. 以為唔使做家務
未結婚前，喺屋企成日偷懶「食嘢唔做嘢」。做咗人妻後，望極都覺得自己屋企好混亂。放工返到屋企仲要繼續做，掃地、拖地、洗衫、晾衫乜做齊～ 真係好攰啊，點解老公唔幫手嘅？

4. 以為日日都會好開心
結咗婚後，離開娘家多咗個身份，少咗父母幫自己打點生活，同時亦要分身照顧老公同為仔女計劃未來，令生活好大壓力，不時都有好多嘢都想抱怨。

Photo from MamiDaily

5. 以為對方會為自己改變
生活習慣可以為對方作出少少改變，但係連價值觀都換埋就真係好困難。唔好以為愛可以將一個人徹徹底底改變，切忌期望太大。

Text：Mami Editorial