痛不欲生！媽媽永生難忘嘅順產之痛

成日聽人講生仔好痛，未經歷過嘅人一定難以想像痛楚嘅程度！順產媽媽有機會開晒10度都唔夠位畀BB出世，剩係睇圖睇字都覺得痛不欲生。媽媽真係好偉大，真係要錫媽媽多啲！

Photo from MamiDaily

早前網民Ngoako Lerato Mannya喺社交網站分享圖文並茂地解釋咗「生仔真係好痛」呢件事！佢用一塊木板清楚列明順產時，孕婦開宮口嘅大小，由1度擴展到10度。1度大概係1cm，而去到第10度直徑就大約係10cm，同BB嘅頭部差唔多大細。

Photo from Ngoako Lerato Mannya（圖片已獲授權）

見到呢塊木板時，真係嚇一嚇，完全無辦法想像子宮頸口全開到10度，究竟會痛到咩程度。由陣痛、開指、子宮頸開，再到BB出世，就算成個過程都痛不欲生，媽媽順利將BB生咗世嚟後，見到BB之後咩都痛楚都唔記得晒，腦入面都剩係得返自己嘅心肝寶貝。

Photo from MamiDaily

做媽媽真係好唔容易，就大肚開始、去到分娩，再去到教養一個小朋友，中間遇到嘅困難真係多不勝數。不過，如果可以重新揀一次，相信各位媽媽都會選擇生BB，因為見到自己嘅仔女慢慢成長、一日懂事過一日，真係冇其他嘢可以比得上！

Photo from MamiDaily

Text：Mami Editorial