做咗媽媽後經常都好感觸！ 5大最不捨時刻

自從知道肚入面多咗個BB後，日日都好期待佢出嚟見到佢嗰日。依家湊住阿B，望住佢有時真係好感觸。望住佢一日大過一日，真係好唔捨得。以下呢5個moment相信媽媽都一定有同感！

Photo from MamiDaily

1. 放完產假
由等生BB開始，直到佢出咗世，放完產假要返工真係好唔捨得BB。陪咗BB咁多日，啱啱上身就要準備返工，真係好唔想同佢分開啊！

2. 停餵母乳
自從餵母乳起，唔知點解覺得同BB嘅關係親密咗好多。當有一日BB突然同自己講：「唔要奶奶啦」，嗰吓真係有啲似分手！

Photo from MamiDaily

3. 開始識行路
由爬下爬下到識轉身，每一個時刻都證明BB愈嚟愈大個。直到佢行路行得好穩陣，唔再需要自己扶住佢，陪佢一步一步慢慢行嗰刻，有啲悲喜交集。囝囝囡囡，可唔可以唔好大得咁快啊？媽媽真係好唔捨得啊。

Photo from MamiDaily

4. 每朝出門口
開始返工後，朝朝梳洗完都要望多阿B幾眼先捨得出門口。真係好想每分每秒都陪住佢，不過為咗生活都冇辦法⋯ 阿B就係努力工作嘅動力！

5. 每晚湊完仔嘅me time
由起身到?完BB瞓覺，中間嘅時間幾乎冇停過。到佢瞓咗覺，媽媽先有私人時間，覆完訊息、玩一陣電話，又要準備瞓覺啦！媽媽唔可以太夜瞓，唔係第二日邊有精力湊仔啊？

Photo from MamiDaily

Text：Mami Editorial