【慶祝仔仔7個月大 近近地帶佢遊澳門】

慶祝攣毛哥7個月大，想帶佢去玩又唔想去太遠擔心攪佢唔掂，話哂都第1次帶佢去旅行，去轉近近地試下水溫都好

所以去轉2日1夜澳門就岩哂我要求！

記得去前已經幫B申請好特區護照！順帶1提*菲傭姐姐拎住香港身分證+passport過關就得，唔使申請任何Visa而且過關一樣甘快

今次我揀入住酒店⚑⚑⚑永利王宮⚑⚑⚑好值得推介！！

☻睇睇相感受下酒店內氣氛同環境先

Photo from 酒店內以花做主題真係好吸晴好有氣派，而且會定期轉保持新鮮感

Photo from 連地下都靚過人，靚到忍唔住要影張相

☻再睇睇酒店房間

Photo from 房形:皇宮客房特大床(Palace King Room)

亦可以係訂房後, 預先通知需要嬰兒用品(費用全免)，酒店會安排好:

♥嬰兒床床圍床笠被仔

♥浴盆+嬰兒沐浴洗髮潤膚爽身粉+沖涼玩具

♥Highchair

♥暖奶器(Philips Avent)+奶瓶蒸氣消毒機(Philips Avent)

♥黐防撞保護角服務 (っ◔◡◔)っ ❤好細心呢

Photo from 酒店預先安排好的嬰兒沐浴套裝

Photo from 張大床顯得攣毛哥好細粒

Photo from 攣毛哥表示好歡喜

而已洗手間都好大，馬桶位係獨立有門，所以我同攣毛係洗手間沖涼爸爸都可以照去大解

☻再睇睇酒店影相位

Photo from 巨形花

Photo from 巨型花蛋會打開伸出花鳳凰

Photo from 酒店有免費纜車比你任搭，唔使去香港山頂度搭同人逼餐傻

Photo from 發現有個影相靚又少人的筍位，位於:搭纜車入口推開右邊玻璃門直行

到左夜晚，想搵Ｄ野做不過帶住小朋友又唔想去太遠太頻撲辛苦自己就可以好似我甘

Photo from 去睇酒店的音樂噴泉,攣毛哥比音樂噴泉深深吸引住

Photo from 係酒店纜車上面睇音樂噴泉又唔同感覺

Photo from 再可以圍住音樂噴泉行下影下相

☻簡單分享下行程:

ⒹⒶⓎ ➊

落船到達澳門➳坐酒店巴到永利王宮酒店➳寄存好行李➳酒店內中菜廳-永利宮(貪可以舒舒服服食飽飽*他他條條攪checkin, 有dree code)➳Checkin(記得申請late checkout)➳上房(服侍攣毛哥1輪)➳大三巴觀光影相➳新益美食晚餐➳酒店內影相睇音樂噴泉

ⒹⒶⓎ ➋

新好利美食餅店早餐➳步行去龍環葡韻影相(好近)➳熊貓葡國餐廳(樣樣都好好食*炸馬介休正)➳官也街行下➳永利王宮自助晚餐(對住個大大塊落地玻璃睇住音樂噴泉黎食)➳拎行李準備坐船番香港

看似簡簡單單, 其實已經好充實好忙碌, 總算順利完成今次旅程

1定要緊記★★★1日唔好去太多景點, 否則只會玩殘自己★★★

☻再分享下2日1夜攣毛哥的裝備:

沖涼野:沖涼洗頭液+沖涼紗巾+大毛巾+清潔口腔濕紙巾+patpat濕紙巾+潤膚液+尿墊+尿片+凡士林+睡衣

床舖野:防水尿墊+床笠+枕頭巾+被仔+消毒噴噴+清潔毛巾+陪瞓玩具

換片野:尿墊+尿片+細凡士林+patpat濕紙巾+膠袋仔+後備衫x1+消毒噴噴

必需野:尿片x20+去街衫x3套+後備衫褲x2套+薄外套+襪仔+背汗巾x2+紗巾x5+口水堅x5+玩具+咬牙玩具膠+密

實袋配毛巾仔(隨時抹汗)+BB車+遮風擋雨擋太陽傘, 退燒藥, 出牙止痛膏, 風扇仔, 太陽眼鏡, 餵奶巾, 餐具, 証件

。我都幾奄尖又怕污糟，所以床舖毛巾1定用自己野，特別攣毛哥仲細都係穩陣D好

☻曬下食野環境同野食相:

Photo from 酒店中菜廳-永利宮(有衣著要求)貪唔使出去搵野食甘辛苦, 慢慢食完去check in

Photo from 野食絕對可以又多選擇點心/小炒/燉湯都有，連茶都有好多選擇，可以每位都揀唔同的茶，仲有甜品送，仲要唔係敷衍送少少係送4set夠哂誠意

Photo from 酒店自助餐，就係睇住哩個超大落地玻璃對正個音樂噴泉

Photo from 野食好有驚喜，野食食材仲好與眾不同，連包都特別過人真係值得一試

Photo from 如果你係甜品控你1定超開心，因為真係好多選擇又精緻又好食唔會太甜，淨係雪糕都有成8款選

Photo from 攣毛哥有禮物收，係顏色同填顏色簿

Photo from 音樂噴泉每20分鐘表演1次， 有幾首歌輪住表演，絕對唔係得1首歌無限loop，仲有燈光效果紅到好似著火甘

Photo from 順帶1提酒店自助餐餐廳入口旁就有得買花，如果望住音樂噴泉表演,食食下野有花收，都真係幾sweet你要識做呢

Photo from 如果唔買影張相又得

Photo from 新益美食真係好食，特別係個嗜嗜通菜煲真係食左番唔到轉頭，另外有個吊針雞上菜造型特別，如果未食過的可以一試

希望各位爸爸媽媽都順利帶住小寶貝，開開心心遊澳門

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：我愛攣毛哥

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到：[email protected] 我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！