【生前生後當媽的心情大不同】

以前未有小朋友嘅時候我同自己講無論如何都一定要生仔，唔知點解有呢種執念，仲要因爲咁同一直唔鐘意小朋友既老公差d嘈交，
回想起果陣既心態，從來冇諗過生小朋友之後要面對既種種，淨係知道教育同培養一個小朋友唔易～

當時又冇諗過其實生小朋友要放棄自己咁多私人時間，我承認當時有低估左生完小朋友後既生活，岩岩懷孕果三個月，最高峰試過一日嘔十幾次，由飲第一啖水開始嘔到訓教，完全失去控制～

之後既孕期不適對比依家所面對黎講都係小毛見大毛，到左生海豹b 既時候所經歷既陣痛同生仔果刻真係覺得做媽唔容易，之後既初生嬰兒期半夜餵奶換片都唔算十分辛苦

到依家佢病既時候我深深感受到做媽擔心既心情，再加上唔知佢幾時好返，日日焦慮，平時照顧佢自己鏡都唔點照下

頭髮淨係長期紮起，只求乾淨利落，冇時間行街睇戲買衫同朋友食飯，佢訓教後既小時光就係我寶貴既私人時間，但私人時間唔可以太耐因爲要訓教先有精力再照顧佢，所有既生活改變係全部為左海豹b

每次見到朋友們可以自由去玩去旅行，心入面其實無限既羨慕，但係做媽媽，就應該有呢個覺悟，每次當自己有低落既時候
我就會望一望我仔，同自己講，一切都值了

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text：海豹媽媽
Photos： mamiDaily & 海豹媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！