研究：瞓晏覺有助小朋友學習增強記憶力

好多時媽媽驚小朋友下午瞓咗覺，夜晚就?極都唔肯瞓覺，有時就寧願畀佢哋食完晚餐早啲瞓。不過原來瞓晏覺對學齡前嘅小朋友有極大嘅好處！

Photo from MamiDaily

麻省大學阿默斯特分校（University of Massachusetts Amherst）喺2013年進行咗一項同學齡前兒童嘅研究，佢哋喺6間唔同嘅托兒所搵咗40個小朋友參與記憶遊戲。呢個遊戲係一個以視覺同記憶二合為一嘅任務，研究人員喺早上畀一系列嘅圖片佢哋，小朋友必須記住呢啲圖片嘅位置。

Photo from MamiDaily

呢個任務分咗兩次進行，一次就係按照原定計劃，畀小朋友瞓足鐘晏覺。據觀察，小朋友嘅午睡嘅平均時間係77分鐘。而另一次就係唔畀小朋友瞓晏覺，喺同樣時間等佢哋保持清醒，再進行遊戲。另外，研究人員同時亦會觀察午睡對佢哋夜晚瞓覺嘅影響。

Photo from MamiDaily

結果顯示，小朋友瞓醒晏覺嘅準確率為75%，比起保持清醒多出10%。研究人員表示，好明顯小朋友瞓過晏覺嘅記憶力比較好，而佢哋喺下午同第二日嘅學習表現亦較佳。

Text：Mami Editorial