趁小朋友未成長 父母必做4件事

各位啱啱成為父母，唔好以為小朋友仲細，陪住佢哋嘅時間就仲有好多！當小朋友開給返學讀書，自己嘅圈子就會慢慢建立，分到畀父母嘅時間就會愈少。趁仔女仲未長大，父母一定要做齊以下4件事，唔好畀自己後悔啊！

Photo from MamiDaily

1. 成為朋友
趁小朋友仲細，慢慢同佢建立互相信任嘅關係。做父母唔一定用威嚴教育法先可以令仔女乖乖，同佢哋做朋友，仔女願意同你傾心事、講煩惱，關係反而會愈嚟愈好。

2. 多同佢去玩
仔女大個咗後，有自己嘅朋友就好難輪到父母㗎啦！趁住佢哋仲依賴自己嘅時候，多啲同佢出去玩～ 近至樓下公園、去沙灘，遠至出國旅遊，只要有能力都要帶佢哋出走玩，創造多啲美好回憶！

Photo from MamiDaily

3. 影多啲相
仔大仔世界，大個咗唔好話影相，分分鐘一日都好難講到一句嘢。趁佢哋仲未反抗，快啲同佢哋影多啲相！就算影到電話冇晒位都唔緊要，可以upgrade雲端㗎嘛～

4. 無限陪伴
小朋友做咩都一齊做～ 佢夠鐘食嘢，爸爸媽媽一齊食；佢要洗白白，爸爸媽媽一齊洗；佢要上play group，爸爸媽媽一齊上；要陪伴佢哋做所有事情，直到冇得再做為止。

Photo from MamiDaily

只要一諗到有一日仔女要獨立，真係好唔捨得～ 爸爸媽媽真係要把握機會做齊以上嘅事情啊。

Text：Mami Editorial