小朋友專心學習 大個收入會多啲？

父母除咗希望子女健健康康外，亦對佢哋嘅前程感到擔憂。近日一項研究發現，喺幼稚園學習時，容易分心嘅小朋友長大後嘅收入竟然比同齡嘅同學仔低？

Photo from Mamidaily

呢個由倫敦國王學院（King's College London）嘅社會、遺傳與發育精神病學中心（SGDP）完成嘅研究，目的為搵出小朋友6歲時嘅行為同未來嘅收入之間嘅關聯，報告結果喺上月19日嘅《美國醫學會雜誌：精神病學分冊》（JAMA Psychiatry）出版。

Photo from Mamidaily

研究人員喺1985年喺加拿大嘅幼稚園一共搵咗2,850個年齡介乎5至6歲嘅小朋友參加呢個長達30年嘅研究。結果顯示，細個上堂時容易分心嘅小朋友，長大後嘅平均收入低過專心嘅同學仔。

當呢班小朋友長大至35、36歲時，研究人員以佢哋嘅稅務紀錄作分析，男性嘅平均年薪為$27,500美元；女性為$15,200美元。小朋友嘅注意力每低一分（由老師評分），男性嘅年收入會減少$1,271美元；女性就減少$924美元。對此，研究人員表示注意力不足同專心學習小朋友嘅薪酬差距極大。

Photo from Mamidaily

研究指出如果兒童符合呢4個標準：缺乏注意力、容易分心、心不在焉同唔夠堅持，就可以被評為不專注（inattentive）。雖然結果有啲令人沮喪，不過研究人員認為家長可以幫手修正有關行為。佢哋認為家長如果能夠及時發現小朋友經常不專注嘅話，可以慢慢陪佢哋改善，對小朋友未來嘅生活絕對有好大嘅幫助。

Photo from Mamidaily

Text：Mami Editorial