患癌父母抽生死籤 兩個只能活一個 陪女兒抗病

做父母，最希望子女能夠健康成長。江西南昌市有一位16歲少女安安患有紅斑狼瘡，需要花上龐大嘅治療費用，而佢嘅父母亦同時患上癌症，為咗醫治女兒，父母決定以抽籤定生死，其中一人接受治療，並活下來陪住女兒。

Photo from Mamidaily

安安父母喺4月時發現女兒手腳腫脹，求診後發現安安患上紅斑狼瘡，醫生更指情況並不樂觀，至今已經用咗約20萬港元進行治療。而禍不單行，安安父母亦同時患癌。做手術、化療等已經用咗一大筆錢，現時更要食藥覆診。

Photo from Mamidaily

一家三口經濟狀況並不富裕，更相繼患上重病。父母為咗女兒嘅病，可謂傾家蕩產，唔單止賣咗間屋，仲四處向親朋戚友借錢。由於已用盡積蓄，實在無法負擔全家嘅治療費用，安安父母商量後以抽籤方式決定其中一人放棄治療。安安父親先讓妻子抽籤，最後結果為安安父親放棄治療。原來安安父親早已決定好：「其實兩張紙都係空白，我放棄治療了，全力救佢哋。」安安父親將所有錢留畀妻女醫病，並由妻子陪女兒走下去，自己則聽天由命。

Text：Mami Editorial