婆媳問題成婚姻導火線單親媽媽劏房生活獨力撫養兩孩

By Milky on 03 Jul 2019

Digital Editor

Kay是一位單親媽媽，三年前與前夫分居後獨力撫養分別14歲和12歲的兒子，大仔更確診有自閉症，現時一家三口在劏房生活。

Photo from MamiDaily

Kay和前夫是因工作而認識，不過交久沒多久就得知前夫的媽媽不喜歡Kay：「好似覺得我襯佢個仔唔起嘅感覺。」本來前夫都沒有理會家人的反對，繼續和Kay在一起。交往大概兩年多Kay就懷有大仔，前夫便和Kay簽紙結婚：「我唔知道佢屋企人知唔知我哋結婚，但我感覺就係好似偷偷摸摸咁。」直至大仔出世後才因一次同枱吃飯而和奶奶開始有接觸和交流，但奶奶對Kay總係百般刁難。

Photo from MamiDaily

後來細仔出世後，奶奶和姑奶說小朋友開始長大要上學，就交由他們照顧：「只可以佢哋話咩就咩，因為我無得say no。」因此Kay和前夫繼續為工作而中港兩邊跑。Kay憶述有一次幼稚園班主任通知她要到校見家長，老師發現細仔腿上有大大小小的傷痕，一問之下細仔告訴老師是嫲嫲打他和哥哥。當晚細仔回到家就被嫲嫲和姑婆責備：「如果佢哋話唔畀佢食嘢，佢哋唔係講吓，佢哋真係⋯⋯會咁做。」Kay邊說邊哭。

Photo from MamiDaily

後來小朋友都開始升上小學：「小朋友開始頑皮、蹦蹦跳跳、會有功課上的問題，有時可能會令嫲嫲、姑媽好唔開心，佢哋就叫我返黎自己湊返兩個小朋友。」Kay就馬上辭去工作回家專心照顧小孩，順道照料年老的奶奶。

Photo from MamiDaily

後來奶奶的一次意外中風，就扭轉了Kay的命運。奶奶自從醫院回家休養開始，廁所門外的燈制改駁到奶奶的房間裡，當Kay去洗澡時就會有人關上燈；Kay平常吃飯的位置就放了一個大行李箱；就連Kay想煮食，也要等待前夫的家人先用完才可；信箱鎖鑰也被換走；本來兩個兒子是睡客廳，奶奶突然要求兩個孫子跟她回房睡；面對生活上的處處阻撓， Kay就說：「嗰時我就感覺到佢係想趕我走，到我知道連信箱鎖鑰都換咗嘅時候，我就知佢下一步會連屋企大門鎖鑰都換埋。」Kay明白此處不留人，自有留人處，她便找來地產經紀幫忙物色同區內的平價劏房，很快便找到了。Kay並沒有和前夫家人透露過搬家的事，但當她打掃新居後回家，便發現大門門鎖已被換掉：「我就咁出咗黎喇，我當時身上除左身份證之外，咩都無喇⋯⋯」Kay便立下決心和前夫離婚。

Photo from MamiDaily

同時因前夫家人也認識該地產經紀，所以過了幾天他們便把Kay的行李送到地產公司，叫Kay自行領回。Kay一心不是為了自己的行裝，而是為了兩個兒子：「點解你唔畀埋兩個仔我，我好掛住兩個仔，我點我都要帶住佢兩個係我身邊。你哋屋企嘅管教方式唔啱我兩個仔，只會害死佢哋。」Kay憶述有次發現細仔視力有點弱，打算帶他見視光師及配眼鏡。前夫一家得知時竟無動於衷，更阻止細仔戴眼鏡。

Photo from MamiDaily

更有一次是大仔三歲時還不懂說單字、甚麼都用手指指，任何顏色都說成黃色。當她懷疑大仔有自閉症時，前夫一家不但不相信：「你就自閉啊！佢落到街一樣會同人玩！」更阻止Kay帶兒子去診治。Kay只好偷偷摸摸的帶兒子去跟進，最後報告顯示大仔有自閉症，幸好是輕微程度。

Photo from MamiDaily

由於前夫一家不願意把兩個小朋友歸還給Kay，Kay為了生計只好邊打工，邊處理離婚手續及爭取撫養權。因為知道前夫一家不讓她和孩子有接觸，她只好在放學時間到兒子學校附近偷看兩個兒子。

Photo from MamiDaily

這段期間Kay的情緒十分低落，每晚回到家都以淚洗面，Kay便致電前夫要求和兒子們見面，前夫便安排了細仔到Kay家住一晚:：「第二日一早佢哋就執好細仔嘅行李，叫佢自己返去拉喼，同佢講話唔要佢喇！」Kay心痛細仔受心靈傷害之餘，又擔心大仔：「點解你唔畀埋個大仔我，大家咁樣爭無意思，只會害死兩個小朋友。大人嘅嘢唔好要細嘅去受。」

Photo from MamiDaily

過了一段時間，前夫致電Kay說大仔偷了嫲嫲的錢，Kay便到學校等大仔放學並了解事情。事源是大仔在學校遇到同學的威脅、霸凌，強行要他還錢，大仔只好回家偷嫲嫲錢。Kay把事情轉述給前夫聽後，前夫家人便把大仔都交回Kay撫養：「雖然係用咁嘅方法返黎，但我都好開心，最緊要係好好咁教育佢哋兩個。依家兩個小朋友都大喇，都想佢哋有多啲課外活動、學吓其他嘅嘢或者可以補吓習，但呢啲我暫時都畀唔到佢哋。」作為媽媽，Kay當然想給兒子最好的，雖然心有餘而力不足，但兒子們不但沒有責怪媽媽，卻反過來很懂事地安慰媽媽：「唔洗啊媽咪，我自己搞掂！」Kay只寄望兩個兒子：「希望佢哋可以開心、健康，做一個有責任嘅人已經好好！」