一文睇清 老公係好隊友定豬隊友！

做咗媽媽最開心唔係屋企多咗個成員，而係見到另一半為咗家庭嘅改變。唔知大家嘅伴侶做咗爸爸後，有冇以下6個特質呢？如果有齊嘅話，真係恭喜晒，你有一個好隊友！

Photo from Mamidaily

1. 肯獨自湊B
照顧小朋友真係好攰，媽媽有時都想放吓假。如果隊友肯畀自己放一陣假，單獨睇住個細嘅，就算短到只得幾個鐘，媽媽都覺得好開心。

2. 唔會縱仔女
天下間有邊個唔錫自己嘅BB？答案係冇啊！不過一個好嘅隊友係會理性行先，唔會阿B話買咩食咩就即刻畀佢。

Photo from Mamidaily

3. 幫手做家務
一個人咩都要兼顧住真係好忙，如果有隊友幫手分擔少少家務，真係無得頂！洗幾隻碗、幾件衫就可以收賣到媽媽㗎啦～

4. 清楚子女喜好
好多人都話爸爸對自己嘅仔女一無所知，小至生日、鍾意食咩，大至讀咩學校都唔太清楚。如果佢哋知道BB幾時想瞓覺、幾時要換片、鍾意食啲咩，一定係無敵嘅隊友！

Photo from Mamidaily

5. 100%包容老婆
阿仔阿女經常激親媽媽，情緒經常谷住谷住。有時見到隊友真係忍唔住爆，任性地發吓脾氣。隊友無限體諒加包容，令媽媽好快叉好電（開心）。

6. 萬事有商量
多咗個B，同時亦多咗好多嘢諗。好似用咩牌子尿片、食咩奶粉、BLW、讀唔讀N班、做大B定細B等等，所有事情唔係單方面話事，而係兩個人共同決定。就算意見不合，都有商有量，一齊解決問題。

Photo from Mamidaily

Text：Mami Editorial