經常去旅行 小朋友更獨立、成績較好

好多人成日話：「小朋友咁細個咩都唔記得，帶埋佢哋去旅行好浪費時間同金錢。」事實上，帶住小朋友出國去玩，情況絕對唔係咁壞，反而係會令佢哋更叻㖭！

Photo from Mamidaily

呢個由美國學生及青年旅遊協會（SYTA）主導嘅研究訪問咗約1,500個老師，74%嘅受訪者認為旅遊對學生嘅個人發展有非常正面嘅影響，而56%嘅人相信呢啲正面嘅影響可以擴展到學業和職業上。

Photo from Mamidaily

去旅行對孩子嚟講絕對會有深遠嘅影響。教師們一致認為，經歷過本土以外嘅文化體驗，令孩子會變得更加容忍同懂得尊重別人。孩子會因而變得更大膽，願意去學習及嘗試更多嘅新事物，探索力上升。

Photo from Mamidaily

老師們深信去旅行唔止可以幫助到學校成績，課堂外嘅表現亦會變得更優異。比起成日留喺屋企嘅小朋友，呢啲「小旅遊達人」更獨立、有自信，適應力亦因而變得更強，表達能力。42%嘅老師認為一個經常去旅行嘅小朋友更容易入到大學。

Photo from Mamidaily

就算屋企經濟未能負擔出國旅遊，家長可以帶小朋友遠離社區到郊外探索一下～

Text：Mami Editorial