download MamiDaily 親子日常 app
「不完美父母」其實已經夠晒完美

「不完美父母」其實已經夠晒完美

mami熱話
By Circle on 28 Jun 2019
Digital Editor

做父母其實唔止照顧BB咁簡單,點樣教好佢哋其實先係最困難,需要好長時間學習。各位爸爸媽媽唔使畀咁大壓力自己,就算唔係做到最好,對仔女未必係壞事,反而對佢哋嘅成長有幫助,不如一齊學習做不完美父母喇!

MamidailyPhoto from Mamidaily

父母嘅角色係要慢慢掌握,所謂「Good Enough Parenting」就係指父母盡力教養孩子,但係唔需要苛求完美。父母絕對唔使做足100分,畀啲空間自己學習同進步。而不完美教育法對孩子成長有以下4個好處。

1. 發揮空間更大
大人好多時以為小朋友做唔到嘅事,就會馬上幫佢做咗先。好似去公園玩,要爬上樓梯先可以玩滑梯,媽媽見到可能會第一時間抱起佢。小朋友其實可能自己試吓都會成功,家長咁樣做其實剝奪佢哋嘗試嘅權利。畀小朋友嘗試吓,可能有意想不到嘅驚喜!

MamidailyPhoto from Mamidaily

2. 從失敗中學習
以做功課為例,有時啲題目都考起爸爸媽媽。就算家長唔識答都唔緊要,只要同小朋友慢慢解釋,誠實地承認不足,可以從而教導佢哋失敗乃成功之母。

3. 主動解決問題
小朋友每朝都唔願起身返學,只因家長太擔心佢哋會遲到,要三催四請先肯快少少!不過如果父母慢落嚟,施施然起身梳洗,結果會好唔同!爸爸媽媽唔急,角色就會調返轉,由孩子主動叫你快啲起身出門~

MamidailyPhoto from Mamidaily

4. 與孩子一同成長
畀孩子知道呢個世界冇嘢係100%完美的,人人都會有缺點,要接受並加以改善。父母要明白孩子嘅唔完美,孩子亦要了解父母有嘢係唔識、唔知嘅,大家從互動、錯誤中一齊繼續學習同成長。

MamidailyPhoto from Mamidaily

Text:Mami Editorial

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道