生前生後要注意身體變化 防止喜事變悲劇

成日聽人講生BB好危險，媽媽真係搵命博㗎！近日一個新嘅研究指出，喺美國每年有大約700名婦女死於與妊娠有關的併發症，當中超過一半嘅個案其實係可以預防嘅。

Photo from Mamidaily

根據美國疾病管制與預防中心（Centers for Disease Control and Prevention；CDC）喺5月7日發表嘅研究報告，與懷孕相關嘅死亡唔止係代表分娩前同分娩期間，仲有包括喺分娩後一年內發生嘅個案。

研究人員發現，有31%嘅死亡個案喺係分娩前；36%喺分娩期間，而剩低嘅33%就係喺分娩後一年內。CDC首席副主任Anne Schuchat博士表示，呢啲與懷孕有關死亡個案好大程度上係可以避免嘅，而且佢哋應該亦將會做更多有關事情去防止呢啲發生。

Photo from Mamidaily

呢份報告分析咗2011年至2015年期間，喺美國發生同懷孕有關嘅死亡數據。呢5年間發生咗大約3,400件相關事件，因懷孕而導致心髒病同中風死亡嘅人數佔三分之一。喺分娩時，最常見嘅死亡原因通常都係同產科有關嘅緊急情況，例如嚴重出血和羊水栓塞等。

Photo from Mamidaily

報告嘅最後仲指出醫院提供有關如何處理婦產科緊急情況嘅模擬培訓，以便醫護人員面對呢啲緊急情況時能準確、快捷地處理，防止悲劇再度發生。另外，醫生亦應該詳細地講解畀媽媽知所有可以導致妊娠相關併發症嘅慢性病。當佢哋發現自己有相同徵兆時，能及早求醫。

Photo from Mamidaily

Text：Mami Editorial