唔知點揀好？照顧小朋友搵奶奶幫手定請工人好？

香港愈嚟愈多雙職父母，兩個人都要返工賺錢，咁仔女點算好？唔少家庭都會請工人幫手，但唔係人人負擔到，咁搵家人幫手又可唔可行呢？究竟湊仔應該叫奶奶幫手定係請工人照顧好呢？

Photo from Mamidaily

奶奶幫手

1. 全心全意
奶奶係孫仔孫女嘅嫲嫲，絕對唔會故意做啲對小朋友唔好嘅事～ 加上有以前湊仔嘅經驗，應該更得心應手！

2. 教養方式不協調
奶奶雖然有經驗，不過好多媽媽都反映佢哋不時都會以傳統角度出發，用一啲未經科學證實嘅偏方湊孫，令媽媽們非常擔心BB嘅安全問題。

Photo from Mamidaily

3. 意見不合
有媽媽亦表示，有時已經同奶奶講咗唔好咁做，但佢哋依然固執己見。最常見嘅例子係奶奶好鍾意強制幫BB剃光頭，因為佢哋覺得啲頭髮會因而生得靚啲，父母一早已經強調認為冇必要咁做，奶奶都堅持要剃頭。

4. 婆媳糾紛
奶奶幫手湊仔其實係一件好事，不過當同媽媽意見有分歧時，就必定會出現婆媳糾紛。而關係一旦破壞咗，就好難變返原本咁，心入面永遠都有條刺。

Photo from Mamidaily

請工人

1. 聽指示
工人點樣照顧BB係根據媽媽嘅指示，好少會自己鍾意點就點，媽媽嘅教養方式唔會突然被改變。

2. 明碼實價
請工人姐姐每個月都會出糧畀佢，明買明賣，唔使煩其他嘢！例如唔使欠人人情～

Photo from Mamidaily

3. 隨時換人
如果工人姐姐做咗啲不可原諒嘅事情，都可以隨時完咗份合約，再搵一個新嘅人選。奶奶做咗啲對BB唔好嘅事，唔通鬧佢咩？

4. 黑心事件
好多時媽媽都未必可以睇住工人姐姐湊小朋友，有時真係好激氣！同時亦有好多報導指出，有好多黑心工人，涉及虐兒事件、奇怪行為等，真係唔知點防啊！

Photo from Mamidaily

有啲媽媽就表示，奶奶同工人兩個其實好難揀，要視乎佢哋嘅性格。不過佢哋認為想keep住同奶奶關係好嘅話，最好嘅方法就係請工人打理屋企，同時叫奶奶得閒嘅時候嚟睇住姐姐就最好。唔知大家又點睇呢？

Text：Mami Editorial