女童患怪病 7歲更年期 比同齡重42公斤

澳洲一名7歲女童（Emily Dover）因中樞性性早熟而急速發育。4個月大時身型已經同1歲小孩一樣、2歲已開始胸部發育、4歲更出現月經。後來女童因藥物嘅副作用，更導致「更年期」問題。

Emily初出生時同一般嬰兒並冇分別，但一星期後就開始難以入睡，4個月大時突然急速發育，因長高嘅關係更導致骨骼疼痛，當時Emily嘅身型有如1歲小孩。Emily媽媽表示，囡囡2歲時胸部已開始發育，後來4歲更出現月經。依家只有7歲嘅Emily體重已有65公斤，而同年女童大概只有23公斤。

Photo from Mamidaily

Emily情況罕見，媽媽帶住Emily四處求醫，希望能夠搵出病因同治療方法，但費用昂貴，對一家人造成好大嘅經濟負擔。直至2017年，Emily被醫生確診患上中樞性早熟青春期及愛迪生氏病。因為腎上腺功能不足，而導致提早踏入青春期。醫生以賀爾蒙激素為Emily進行治療，點知反而令佢出現更年期症狀，只好即時停藥，而目前仍未有其他治療方法，唯有定期接受基因檢測。

Photo from Mamidaily

由於Emily嘅身形特殊，喺學校經常被同學欺負及排斥。Emily媽媽指囡囡經常喺放學後問：「點解我胸部會咁大？」媽媽眼見囡囡因外貌而被人欺騙，兼且失去應有嘅童年，難過地表示：「佢連做小女孩嘅機會都冇！」雖然好擔心囡囡嘅心理狀能，但家人一直鼓勵Emily：「你係個善良又漂亮嘅女仔，亦係我哋嘅小寶貝，每個人都有獨特嘅地方，係正常㗎。」幸好Emily升讀小學後，識到幾位好朋友，現時正過著快樂嘅校園生活。

Text：Mami Editorial