【童言童語之童言無忌】

話說接禧家姐放學坐電車返屋企嗰段車程發生左件勁爆笑，令丫媽勁尷尬既事，真係要同大家分享下。

上左電車，我抱住家姐坐左喺個丫叔隔離，當時我完全冇為意呢個丫叔咩樣，因為我整理緊家姐個書包，但係我見到家姐用啲好奇怪既眼神同我互望左幾次，我以為佢同我玩，要我扮佢個奇怪樣。突然間家姐好大聲咁講：

”媽媽，個叔叔個鼻有好多狗毛呀！！”

Photo from mamiDaily

我即刻望下個丫叔，忍唔住對住佢笑左。。。原來個丫叔啲鼻毛突曬岀黎，有人中既一半咁長，仲要係夾雜住黑白色叉開曬，好似一支用左好耐冇換過既牙擦咁!!!!!!!!!

嗰一刻我冇辦法解釋到俾家姐知嗰啲係鼻毛唔係狗毛，因為真係笑到收唔到聲，只係不停叫佢 ”shu shu, 唔好冇禮貌! “ 天真既我以為咁就可以平息一個細路既好奇心同疑慮，點知家姐又突然間大爆一句：

“叔叔，快啲整走啲狗毛” (仲要係好大動作，係咁指住啲鼻毛）

嗰一刻好想搵個窿捐，超尷尬，好彩講完呢句之後我哋都啱啱要落車！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text：禧。熙。之生活點滴
Photos： Mamidaily

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！