朱薰湊仔教學：沒有溝通 必定不通
DJ朱薰婚後育有一仔一女，相信大家對「冧之之兄妹」唔陌生。做咗媽媽嘅佢，不時分享「阿之媽說」，同網民分享與兒女嘅生活點滴、身份改變後嘅感受同埋育兒心得。一對仔女咁乖巧聽話，全因經常「朱薰英」上身，同佢哋講道理、多溝通！
做咗媽媽之後，真係好多新體會！2013年生咗囝囝之仔後，朱薰成日都會同大家分享湊仔經，仲不時同網民交流媽媽經。朱薰表示自己經常以「朱薰英」模式同小朋友相處。「朱薰英」係指喺《西遊記》飾演唐僧一角嘅羅家英，不斷同仔女講道理教導、說服佢哋。
朱薰以囝囝扭計唔肯做功課為例，佢會先同之仔商量，先了解佢想遲啲做功課嘅原因。假若之仔可以清楚表達佢嘅意思，例如「覺得好攰，想休息十分鐘，十分鐘後繼續」、「有本書想睇」、「依家想玩玩具」，只要時間許可，都會畀佢唞唞。唔係佢就會岀動「朱薰英」，向囝囝解釋依家要做功課嘅原因，或者係馬上做好功課對佢嘅好處。朱薰表示十次有九次半都能有效解決問題，絕唔會強行要佢「坐低！做！」
最後朱薰直認跟子女關係良好，因為佢時刻提醒自己唔好以為自己係媽媽，就以為自己大晒。做媽媽一定要企係仔女角度睇，佢哋唔明白自己嘅決定，就要慢慢解釋。如果事事都硬來，完全零溝通，親子關係一定會變差。朱薰深信溝通係非常重要：「沒有溝通，必定不通。」
「冧之之兄妹」經常笑臉迎人，又鍾意同爸爸媽媽一齊，家庭和睦，仔女聽話又得人喜愛，絕對因為父母教得好，所以呢一套教學模式非常值得大家參考！
Text：Mami Editorial
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
