【動起來！】7個簡單易做產後運動 快速修身＋改善腰痛

以前，好多人會話生完小朋友後，唔好亂郁。不過依家好多媽媽反而會積極做產後運動，加速體態恢復。其實適量同適當嘅產後運動，除咗幫助修身外，仲可以強化會陰肌肉，防止小便失禁、防治腰背痛、促進血液循環等。今次同大家分享幾個簡單易做嘅產後動作，各位媽媽不妨跟住一齊做啦。

1. 會陰肌肉運動

先仰臥，然後屈膝，腳板必須並排，膝部分開約1呎。必須收緊陰道、尿道及肛門口嘅肌肉。

Photo from 衛生署

2. 腰腹運動 (一)

先仰臥，然後屈膝，雙腳微微分開。呼氣及收緊腹部，將盆骨後轉及腰部壓平貼住床。

Photo from 衛生署

Photo from 衛生署

3. 腰腹運動 (二)

先仰臥，然後將雙膝屈起緊貼，收緊腹部，腰部壓平貼住床，然後慢慢轉動腰部。令右膝嘅外側盡量靠貼床，返回中間休息，然後再重複向左邊轉動。

Photo from 衛生署

Photo from 衛生署

Photo from 衛生署

4. 腰腹運動 (三)

屈膝仰臥，然後收緊臀部及腰背肌肉。將臀部撐高至腰背平直，稍停，再慢慢放下臀部。

Photo from 衛生署

5. 腰腹運動 (四)

雙手及膝蓋貼喺地板上，然後收緊腹肌，將背部向上拱，再慢慢放平背部。

Photo from 衛生署

6. 腰腹運動 (五)

仰臥，屈膝，將雙腳合併。然後收緊腹部，將盆骨後轉及腰部壓平貼住床。抬起頭及肩部，將雙手觸摸膝蓋位置，稍停，慢慢躺平。

Photo from 衛生署

7. 腰腹運動 (六)

仰臥，屈膝，將雙腳合併。然後收緊腹部，將盆骨後轉及腰部壓平貼住床。抬起頭及肩部，將右肩對住左膝方向，用雙手觸摸左膝外側，稍停，慢慢返回原位。然後重複向右邊。

Photo from 衛生署

Text：Mami Editorial
Source：衛生署