【不歸路？】報讀國際學校 必睇3大考慮因素

現時愈嚟愈多家長都會考慮為小朋友報讀國際學校，希望佢哋可以脫離競爭大且急促嘅本地教育制度。不過其實國際學校同樣都係「爭崩頭」，家長除咗要考慮經濟狀況外，以下幾點都係重要嘅考慮因素。

1. 文化

國際學校主要係為喺香港居住嘅外籍人士提供教育。除咗學生同老師大多都係外籍人士之外，教育模式、風氣、思想等都比較西化，較開放自由及輕鬆。因此家長嘅思想亦不宜太封建守舊，否則好易同仔女出現衝突。

Photo from Mamidaily

2. 語言

國際學校不論課本及教材都係以英文為主，加上老師、同學喺校內都係以英文溝通，仔女接觸英文嘅機會大大提高，甚至比中文更多。加上中文較難學，如果仔女習慣咗用英文作日常語言後，有可能會對中文失去興趣，甚至抗拒學習。

Photo from Mamidaily

3. 升學

通常選擇入讀國際學校後，都較難轉回主流學校。即使將來升讀大學，大多數人都只能選擇外國大學。最主要原因為國際學校嘅學生，比較著重英語學習，反之中文水平相比於主流學校學生遜色。因此較難於文憑試中文科奮得符合入讀本地大學嘅資格。

Photo from Mamidaily

Text：Mami Editorial