【孕媽必睇！】陀B成日腰痠背痛 4大方法紓緩孕期腰痛

媽媽喺陀住BB嘅時候，除咗會瞓得唔好、受到荷爾蒙嘅影響，情緒容易大起大落之外，仲會因為個肚愈嚟愈大，而出現腰痛。今次教媽媽們幾個方法，可以有助紓緩腰痛。

1. 背靠牆企

媽媽可以每日花少少時間，背靠牆企5分鐘，頭部、肩膀、屁股及腳跟必須靠牆，眼睛直視前方，每日做3次。

Photo from Mamidaily

2. 改掉托腰壞習慣

媽媽個肚愈嚟愈大，行路嘅時候重心都會慢慢向前傾，久而久之就會習慣咗托住條腰嚟行路。雖然感覺好似舒服啲，但其實托住腰嚟行路，反而會令腰部承受更多壓力，令腰酸背痛嘅問題更加嚴重。

Photo from Mamidaily

3. 穿合適嘅鞋

肚入面嘅BB愈嚟愈大，媽媽就會難平衡。媽媽切忌著高跟鞋同平底鞋，高跟鞋會令身體向前危，十分危險。而平底鞋因鞋底太薄，令腳底承托力不足，除咗易攰外，仲好易令膝蓋受損。如果要著平底鞋，建議要加上鞋墊，確保腳底有足夠承托，減輕腳同腰部嘅負擔。

Photo from Mamidaily

4. 正確姿勢

媽媽要保持良好嘅姿勢，站立時應盡量挺胸企直，避免側埋一邊，令重心不穩。坐嘅時候亦應用軟枕放喺腰部位置，確保腰部有足夠嘅承托。

Photo from Mamidaily

Text：Mami Editorial
Source：香港陪月協會