寶寶愈難撫慰 媽媽愈痛苦？

對父母而言，照顧一個新生嬰兒真係需要用好多心血，有時真係覺得好攰。當遇著愛挑剔嘅BB，爸爸媽媽就更加頭痛喇！依家有研究證實，BB愈難撫慰，媽媽就愈痛苦，患抑鬱症嘅風險亦隨之提高。

今次由密歇根大學（University of Michigan）領導嘅新研究，收集咗超過8,200個家庭嘅數據作分析，目的係搵出煩躁嬰兒對產婦抑鬱症狀嘅影響，而結果顯示容易煩躁嘅初生BB會令媽媽出現更多抑鬱症症狀！

Photo from Mamidaily

研究人員發現，出生時間為24-31週、性格較挑剔嘅BB，令媽媽出現輕度抑鬱症狀嘅機率比起同期出世嘅BB足足多兩倍！而喺32-36週、足月出世嘅初生嬰兒，比起同期嘅挑剔BB激得媽媽少啲。報告指，佢哋嘅母親有中度至重度抑鬱症狀嘅可能性係會低兩倍。

Photo from Mamidaily

專攻兒童發育及行為嘅兒科醫學博士Prachi Shah指，今次佢哋發現媽媽患抑鬱症嘅風險係因懷孕週數同埋嬰兒嘅易煩躁程度而定。簡單嚟講就係，同樣係性格腌尖嘅BB，早產（32-36週）同足月比起早早產（24-31週）生BB嘅媽媽更容易出現抑鬱症症狀。

Photo from Mamidaily

原因係早早產嘅BB通常出世後，喺ICU會得到專人照顧，醫護人員針對佢哋嘅需要，付出更多心機同關懷。早早產BB嘅家庭有時更會獲得額外嘅支持，有助減輕產婦抑鬱症狀。

Photo from Mamidaily

除咗孕齡同嬰兒性格外，當然仲有其他因素影響心情，好似產前壓力、經濟壓力等。如果有輕度抑鬱症狀嘅媽媽，最好早啲求診解決問題，唔係情況好可能會變得更嚴重。

Text：Mami Editorial
Source：Academic Pediatrics