愛吃糖果懶刷牙 3歲男童牙齒全蛀 細菌上眼險盲

成日聽人講食得太多糖同朱古力會甩晒啲牙，真係唔以為係講笑！泰國一個男童就係因為太鍾意食糖，又冇好好刷牙護理牙齒，唔單止搞到成口蛀牙，仲令細菌入眼，導致眼睛發炎腫脹，無法睜眼險失明。

Photo from Mamidaily

日前，一位泰國醫生喺社交網站上分享咗一宗驚人病例，表示一位3歲男童因為食得太多糖果，又冇好好刷牙，加上即使有蛀牙，家長亦未有理會，毫不注重牙齒健康。直至男童左眼嚴重腫脹，先去醫院求醫。

Photo from Arak Wongworachat

醫生為男童照「X光」後發現佢鼻竇位置存有大量膿液，而膿液嘅細菌亦擴散到眼部，加上男童大部分牙齒都已經嚴重蛀爛，必須將所有爛牙拔掉，先可以繼續進行治療。醫生指，如果男童當時再延誤治療冇即時求醫嘅話，有可能會導致失明。

Photo from Mamidaily

Photo from Arak Wongworachat

男童嘅母親表示，由於男童經常扭計哭鬧，只有畀大量糖果佢食，先可以令佢平復落嚟，而且冇向佢灌輸過正確潔牙觀念，所以日積月累導致出現大量蛀牙。

最後醫生提醒各位家長，絕對唔可以忽視小朋友嘅蛀牙問題，另外亦要由細開始教佢哋保護牙齒，建立良好嘅刷牙習慣，否則後果可以好嚴重。

Text：Mami Editorial
Source：Arak Wongworachat