【剷頭髮真係有用嗎？忍痛幫BB變光頭】

星雨剛剛出世頭髮不多不少...我未有放在心上...

攝於7月9日

不過出世兩...三個月後...頭髮開始甩...頭髮越來越少...

仔細睇會見到後枕位置圍住左一個圈咁甩...

攝於9月8日

攝於3月20日...

好明顯既M字額...兩個角光到有點閃閃令...

攝於3月21日...

頭髮依然稀疏...就算一身粉紅色一樣會被誤會係一個男仔...

心開始着急起來...我會諗係唔係星雨唔夠營養呢?我又忍唔住上網增長知識...衛生署家庭健康服務有講到...頭髮既濃密多寡程度因人而異...頭髮稀少並不是缺乏鈣質...也不一定缺乏營養...頭髮由毛囊生長出來...最長的生長期可達到二至三年...幼兒的毛髮一般較幼...短及顏色較淺色...有D 去到一歲...頭髮仍然好稀疏...大部份BB要去到兩三歲...頭髮就會漸漸濃密起來...

當心可以定一定既時候...我兩個妹妹就擔心星雨無頭髮...搬來真實例子勸我幫星雨剃頭...

例子動搖左愛女心切嘅爸爸勸埋我一份...

"你係唔係想妹妹無頭髮?"

"女仔無頭髮好可憐囉..."

一句又一句...我知你地係為星雨好...再次勾起我再諗...究竟我係唔係應該幫星雨剃髮呢?不過...我真係唔想喎...

我想為二小姐留一頭秀髮...柔柔的軟軟的...大小姐小時候係剃過髮...新生出既頭髮係比較硬...二小姐就想試下唔剃...睇下會唔會靚D???

攝於4月3日...

一歲啦...頭髮係飄下飄下...唔係好見增長...
攝於4月25日...

可惜...星雨出玫瑰疹就改變左我想法...玫瑰疹未出前發燒左五日...星雨好炆...不停咁R頭仔...幼細既頭髮經唔起R兩R...頭仔上一條條頭髮脫落了不少...原來幼細頭髮有缺點...再加上一位朋友分享佢兩個小朋友一個有剃一個冇剃既分別...

一句"女孩子多頭髮先好睇...太少太薄唔好..."終於動搖左我...話就話頭髮多唔多少唔少係因人而異...好似身高體重咁...有人快有人慢...不過...見到多頭髮既BB...我會好羡慕...重點係我怕星雨既頭髮太稀太薄...

我決定幫星雨剷一剷頭髮...希望生出來會多少少啦...幾個人夾手夾腳就動手剷...星雨睇起上來好可憐...

攝於5月18日...

我承認我係好心急...因為...望見星雨頭髮咁少真係好擔心...個頭未剷到光一光...留有短短小小既頭髮...

攝於5月19日...

頭髮摸落感覺上相比起未剷前係稍為硬身少少...同埋...望落好似係深色少少...

攝於6月3日...

生出黎既頭髮唔知軟定硬...好期待星雨會有一頭靚靚頭髮...希望我既決定岩啦...

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：Mr.Moon_Rain甜心小屋

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到：info@mamidaily.com，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！