親子共讀好處多 助改善父母管教方式

小朋友愈嚟愈大，佢哋做嘅曳曳事就愈多！有時真係忍唔住出聲鬧佢兩句，不過每次話完佢都好後悔。近日有項研事表明，經常與幼兒一起閱讀嘅人，使用嚴厲管教方式嘅機會好低，而孩子嘅破壞性亦會同步減少㖭！

Photo from Mamidaily

以前有唔同嘅研事都指出，孩子可以透過閱讀學習語言、認字同埋慢慢建立情感，為返學做好準備。而今次研究呢個由羅格斯羅伯特伍德約翰遜醫學院（Rutgers Robert Wood Johnson Medical School）進行，目的就要探究共享閱讀同父母教養方式兩者嘅關係，仲有關注親子關係、孩子好動同注意力問題。

Photo from Mamidaily

今次呢個研究搵嚟來自美國20個唔同城市嘅2,165對母子，訪問媽媽關於佢哋喺孩子1歲或3歲時，陪佢哋一齊閱讀頻率。兩年後再次搵返呢批媽媽接受採訪，獲取一啲關於孩子心理、生理上嘅行為嘅訊息。

Photo from Mamidaily

結果顯示，不論1歲定3歲開始經常同小朋友一齊閱讀嘅父母，兩年後都齊齊減少使用苛刻嘅教養方式。而呢啲媽媽亦不約而同表示小朋友乖咗好多，破壞性行為亦少咗。研究人員表示，或者就係因為小朋友嘅曳曳行為少咗，令到父母逐步減少用嚴厲口吻教育佢哋。

親子閱讀好處多，唔止令仔女變乖乖，自己被激親嘅機會都大大減少！一齊睇書仲可以培養佢哋睇書嘅興趣，幫助佢哋準備返學，關係都因為陪伴變得更親密啦～

Photo from Mamidaily

Text：Mami Editorial
Source：Early Shared Reading Is Associated with Less Harsh Parenting