【母乳餵哺】3大方法判斷BB夠唔夠飽！

好多媽媽生完BB後，都會選擇餵哺母乳。不過作為新手媽媽，最擔心一定係BB食得飽唔飽，自己奶量夠唔夠。媽媽們唔使太擔心，大家可以憑住以下幾點去判斷BB食得飽唔飽。

Photo from Mamidaily

1. BB體重

最直接嘅方法就係睇下BB嘅體重有冇增加。好多BB喺出世頭幾日，都會有輕微嘅生理性體重下降（俗稱「收水」），不過大約兩個星期左石，就會回復出生時嘅體重。隨後體重亦會逐漸增長。喺出世頭四個月，每月體重最少增加半公斤。

Photo from Mamidaily

2. BB尿量

BB喺出生頭兩日，最少會有一至二塊尿片；直到第五日開始，每日最少會有五至六塊濕尿片，咁就代表BB吃夠母乳

3. BB排便

好多人都會透過BB大便嘅顏色同形狀去判斷佢哋嘅健康。BB第一日會排出黑色或墨綠色嘅胎糞；喺首五日內，會轉為排出黃色大便；滿月前BB每日最少會排出兩次大便。

Photo from Mamidaily

4. BB吃奶情況

如果BB吃奶時，有連續嘅吸啜聲，而媽媽喺餵奶後乳房較之前柔軟，即表示奶量充足。若果BB吃奶時，需要好大力吸啜或吃完後含著奶頭不放，甚至哭喊，就有可能代表媽媽奶量不足。

Photo from Mamidaily

Text：Mami Editorial
Source：衛生署