全世界嘅媽媽都有戀腳癖？BB腳有種特別嘅吸引力！

自從做咗媽媽後，唔止患上「自己個BB最可愛」症，仲發現咗無限個小怪癖！藝人車婉婉近日喺社交平台分享同囝囝BBQ嘅一個親子活動，引嚟好多媽媽共鳴，連梁詠琪都成日同囡囡玩！

車婉婉嘅餅印囝囝BBQ不知不覺已經2歲啦！自從生咗仔後，婉婉不時更新「高齡日誌」，分享做咗媽媽後嘅生活軼事，呢日佢又有新故仔啦～ 佢話：「Q MaMa一直也很喜歡BBQ對腳仔，因為又肥又脹，好得意！唔知其他MaMa係咪都對豬腳仔特別肉緊嘅呢？」

Photo from 車婉婉 Facebook

仲話最近同囝囝好鍾意玩「臭腳小遊戲」，BBQ會主動比媽媽評估佢隻腳仔臭嘅程度，然後媽媽通常都係會畀臭腳臭暈咗。但係只要BBQ錫返媽媽，媽媽就會好開心咁醒返。一日可以來來回回玩好多次，玩極都唔會厭㗎！

Photo from 車婉婉 Facebook

Photo from 車婉婉 Facebook

呢個post一出即刻引嚟好多媽媽留言指自己都好鍾意聞BB隻腳仔，幾臭都會不斷聞！唔少星媽好似張名雅、DJ細So太太阿Wing都表示同意，連梁詠琪都忍唔住話：「我成日都同個女玩聞臭腳暈低㗎！佢好有成功感！」仔女對腳唔通真係有種特別嘅吸引力？做咗媽媽之後，簡直係再度認識自己！

View this post on Instagram

A post shared by Gigi Leung梁詠琪 (@gigileungwingkei) on May 12, 2019 at 3:10am PDT

Text：Mami Editorial
Source：車婉婉 Facebook