產後復出唔捨得囝囝 岑麗香：出門口前要聞BB味
藝人岑麗香喺今年3月時誕下愛子Jacob，產後極速修身嘅佢噚日終於出席活動，精神奕奕同大家見面，仲分享咗佢嘅生產過程同新手媽媽日常事㖭！
做咗近3個月媽媽嘅香香，雖然仲處於新手階段，不過佢同老公強強都一致認同做媽咪真係好偉大！兩公婆分工合作照顧BB，強強換片最叻，換得多已經好熟手，而囝囝Jacob亦不時回禮，好鍾意「斟茶」，屋企人人都斟過！而香香嘅媽媽更特登飛返香港幫手湊仔，令佢感到好幸福又有愛。
問到生產過程嘅時候，香香表示佢係順產嘅，而BB出嚟嘅過程相當快！佢憶述當日朝早10點入院準備，晏就3點開始陣痛，囝囝夜晚7點就已經出咗世啦，快到麻醉針都打唔切，覺得Jacob好錫自己，非常感恩。
另外，香香亦透露囝囝中文名叫「吳主軒」，由爺爺嫲嫲改嘅，意思係BB心入面永遠有神。唔識寫中文嘅香香搞笑指，自己只識寫「吳」及「主」字，較多筆畫嘅「軒」字就要慢慢學！
Text：Mami Editorial
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
