衞生署呼籲停用 2款美白潤膚霜 水銀含量超出逾8411倍

衞生署衞生防護中心今日呼籲市民，唔好購買或使用以下兩款美白潤膚霜，因產品可能含有過量水銀成分，使用後會危害健康！

衞生防護中心早前接獲醫管局通報一宗涉及一名25歲女病人嘅水銀中毒個案。嗰位病人今年四月中開始，出現全身性水腫，表示曾經使用呢兩款產品大約半年。喺佢嘅尿液同血液樣本中，發現水銀含量高於參考水平，臨床診斷懷疑同使用上述產品有關係。

Photo from 政府新聞處

醫管局化驗病人提交嘅產品樣本後，發現水銀含量分別為可接受水平嘅8,411倍（日霜）同15,597倍（晚霜）。

衞生防護中心發言人表示長期接觸水銀會損害神經系統同腎臟，嚴重者可引致腎衰竭。由於呢兩款產品嘅水銀含量遠高於可接受水平，使用或會導致嚴重副作用！所以佢哋呼籲用緊呢兩款產品嘅市民應該要立即停止使用。

Photo from 政府新聞處

Photo from 政府新聞處

Source：政府新聞處