BB成日食手指好邋遢？4大好處逐個數！

相信所有BB都有一個共同嗜好，就係食手指！好多媽媽望住BB日夜都不停食手指覺得好擔心，病從口入，驚多細菌，又驚大個之後戒唔到呢個壞習慣。其實啜手指對BB嘅發展有好嘅影響～ 媽媽睇完以下4個優點就可以放心晒啦！

1. 穩定情緒
BB無時無刻都鍾意吮手指，肚餓或者無聊嘅時候，食手指嘅機率最高。佢哋會透過吸吮嘅動作安撫自己，係與生俱來嘅反應，安全感極高！

Photo from Shutterstock

2. 愈食愈聰明
BB開始食手指，其實係智力發展嘅信號。呢個行為可以刺激大腦發展，所以食手指嘅BB可能會更聰明。

3. 自己同自己玩
好多都話BB啜手指同喺媽媽身上飲母乳嘅感覺好似。當每次BB想搵媽媽嘅時候，佢自己可以食手指，大大減低嗌媽媽、扭抱嘅機會。

Photo from Shutterstock

4. 減低患敏感症機會
新西蘭一間醫學院曾發表有關研究，結果顯示參與研究嘅小朋友當中，由細到大完全冇咬過手甲或者吮過手指嘅，有49％出現過敏症狀！反之，有呢兩樣壞習慣嘅小朋友，只有低過三分一嘅人有過敏。

Photo from Shutterstock

其實隨住小朋友愈嚟愈大，一啲唔好嘅習慣會漸漸消失。家長可以考慮一下，係咪需要喺BB階段就刻意、強制阻止佢哋咬手指。當然仲要時刻留意衞生同埋睇吓手指頭會唔會因為吸吮而變紅或者受傷啦！

Text：Mami Editorial