4大危險動作 隨時搞到BB冇命

小生命來臨，對於父母嚟講當然係一份好大嘅喜悅，不過更多嘅係擔心，怕照顧唔好BB，特別係新手父母。好多父母都會忍唔住成日錫BB、BB喊嘅時候，抱起佢哋。本來以為咁做係為佢哋好，但其實可能分分鐘係害咗BB嘅一生。特別係以下幾個動作，家長要小心。

1. 餵BB飲水

家長要注意，唔好餵6個月以下嘅BB飲水，由於BB嘅腎臟功能尚未發育完全，太多嘅水份可能會稀釋BB血液中嘅鈉離子，有機會出現水中毒。

Photo from Shutterstock

2. 錫BB

好多人見到BB咁可愛，都會忍唔住鍚下BB。但其實人嘅口腔有好多細菌，而且BB抵抗力較差，好易被傳染。過往亦有BB因被人親吻後，感染由疱疹病毒引起嘅腦膜炎，最後腎同肝臟壞死離世。

Photo from Shutterstock

3. 過度搖晃

每當BB扭計、大喊嘅時候，家長好多時會抱起BB，以輕拍搖晃嘅形式嚟安撫BB。但其實太大力搖晃BB，有機會令BB腦出血，引致搖盪嬰兒綜合症，嚴重更會死亡。

Photo from Shutterstock

4. 與BB同床

家長與BB同睡，有機會壓傷BB，甚至導致窒息。另外，好多時候，媽媽都會以側臥姿勢餵母乳，但或者太攰嘅關係，媽媽可能會喺餵奶期間瞓著咗，有機會整到BB。BB承受能力弱，亦冇反抗能力，被壓住的話，相當危險。

Photo from Shutterstock

Text：Mami Editorial