研究：仔女聰明或由母親遺傳

每次見到自己個BB都覺得好神奇，有時覺得佢性格好似爸爸，有時又覺得佢好似一個迷你版嘅自己。最近有研究指出，原來小朋友嘅智商係遺傳自媽媽嘅基因㗎！

一切都係同基因有關係！臨床心理學家Robert Lehrke指出，兒童智力好大部份確實具有遺傳性成份。智商基因係來自X染色體（Chromosome X），小朋友嘅智力好大可能係遺傳自媽媽，原因係媽媽貢獻2條X染色體，爸爸就只係貢獻1條。

Photo from Shutterstock

有一類嘅基因叫「條件基因」，而呢一類基因，當中有啲係要來自母親先有用，如果來自父親嘅話，有可能會失效；反之，有啲就要來自父親先可以發揮到佢嘅作用。而研究人員相信同智力有關連嘅「條件基因」一定要來自母親先至能夠發揮作用！

Photo from Shutterstock

智商固然重要，不過其他因素，例如情感需求，一樣可以影響小朋友發展！所以爸爸們，千祈唔好氣餒，其他由父親遺傳嘅基因、陪伴孩子嘅時間等等，對仔女嘅成長一樣重要！

Photo from Shutterstock

Text：Mami Editorial
Source：Psychology Spot