真人真事！劉小慧開心分享紓緩嚴重濕疹配方

藝人蘇志威嘅老婆劉小慧退出娛樂圈多年，大家好耐都冇見到佢啦！近日小慧開始玩Facebook同fans交流，仲不時開live同網民分享好物！小慧最近發現一樣法寶，成功幫由出世就被嚴重濕疹困擾嘅朋友，解決咗呢個長年痕癢、疼痛嘅煩惱！

Photo from 劉小慧 Facebook截圖

小慧表示聽到被濕疹困擾嘅患者成日又痕又痛，覺得好慘！咁啱佢好朋友Carman由出世已經有呢個問題，由腳擴展到手，連口都有！而且仲要係嚴重到會出水嗰隻，最慘嘅時候係要去急症！然而，小慧無意間用佢嘅「秘方」幫佢老友解決咗呢個長年煩惱，難怪小慧話：「係佢嘅字典裡面，要解決真係話都冇咁易！」

Photo from 劉小慧 Facebook截圖

大家可以睇吓Carman用秘方前後嘅分別：

而佢早喺上星期已預告將會分享解決濕疹嘅秘方，小慧指呢個配方係記載喺李時珍編寫嘅《本草綱目》入面嘅雞蛋油。雞蛋油係全天然、冇藥性，兼冇任何化學物質嘅。材料好簡單，只係需要蛋黃！用幾多隻蛋黃，係根據個人需要～ 而小慧喺示範入面就用咗5隻蛋黃。

「雞蛋油」做法

1. 烚熟雞蛋後剝殼，將蛋白及蛋黃分開，留蛋黃備用

2. 用猛火燒紅鑊後，直接放入蛋黃

Photo from 劉小慧 Facebook截圖

3. 一邊壓碎蛋黃，一邊繼續炒

Photo from 劉小慧 Facebook截圖

4. 重複步驟3，直到蛋黃出油

Photo from 劉小慧 Facebook截圖

5. 攤凍蛋黃油，便可使用

Photo from 劉小慧 Facebook截圖

小慧就有個小貼士畀大家，佢認為炒蛋黃時盡量用最猛火，就算炒燶咗都絕對唔係問題！所以佢就叫大家唔好使用易潔鑊，因為用大火炒蛋黃時容易黐底，怕會混合表面塗層嘅化學物質，所以佢建議大家最好用鐵鑊或者不銹鋼鑊。

雞蛋油攤凍後，唔使放入雪櫃，只需用細樽裝起，方便儲存同埋帶出街用。除咗可以紓緩濕疹，暗瘡、蚊叮蟲咬等都可以幫到手！不過始終係接觸皮膚或傷口，小慧建議大家要注意自己嘅身體狀況、敏感程度試用！先以細範圍嘗試搽雞蛋油，千祈唔好一下子就馬上搽晒全身。如果有任何敏感嘅情況，請即停止使用，唔好夾硬嚟～ 有需要嘅朋友，可以參考一下喇！

Text：Mami Editorial
Source：劉小慧 @Facebook