BB高調展示真實身份 用超人姿勢衝出媽媽肚

好多人都希望可以成為超級英雄，擁有超級能力，而劇入面嘅超級英雄大多數都會將自己收收埋埋，盡量低調行事，但澳洲有位BB一出世就高調同大家展示：「I was born to be a superman!」

嚟自澳洲嘅Harry喺40周出世，因為Harry較一般BB大，所以媽媽同醫生就計劃剖腹產，而Harry爸爸都陪伴老婆Bree，希望可以見證仔仔出世嘅一刻。

當醫生剖腹拎出Harry時，Harry竟然做出超人手勢，高舉右手拳頭，雙腳向外撐，產房所有人都驚訝Harry嘅出世動作，而爸爸立即用相機捕捉仔仔嘅霸氣姿勢。

Photo from DAILYMAIL

爸爸其後就喺社交網站分享相片，媽媽Bree指，當大家見到Harry咁樣出世，就將我扶起，比我睇下Harry個超人姿勢，「當我第一眼見到Harry，我覺得我真係生咗個超人，依個係一次超現實嘅體驗！」

Photo from DAILYMAIL

Harry出世時已經有9磅，係一個大B，爸爸媽媽分享時都引來網民討論，而Harry依家已經7歲，媽媽向外媒指，其實當時Harry係坐喺我9cm長嘅傷口做出依嗰姿勢，好似蓄勢待發咁，情景到依家都好深刻。

Text：Mami Editorial

Sources & Photos：Dailymail