【限定3日】港鐵推特別車費日 成人八達通付小童價

早前，港鐵發生故障，喺上月18日凌晨測試新信號系統嘅時候，兩架列車喺中環站相撞，令荃灣線來往中環至金鐘站服務暫停。

Photo from MTR FB

港鐵為咗補償乘客，公布將於下月11日至13日（周六、日及佛誕翌日假期）推出特別車費日。

喺特別車費日，乘客如果用成人八達通搭港鐵，就可以享有小童八達通票價優惠，而使用八達通特惠票價嘅乘客，就只需繳付$1車資。

所有乘客都可以喺特別車費日內，無限次享用有關優惠，不過要注意，呢個優惠並唔包括機場快線、港鐵接駁巴士、往來羅湖及落馬洲站嘅車程，同埋東鐵線頭等車費。

Text：Mami Editorial
Source：MTR