【超人媽媽+老婆難頂都要一起頂住】

By 媽媽燕 MamaYin on 29 Apr 2019

本人是2位小孩媽媽，大囡4歲+細囝2歲4個月多，細囝出世後就成為全職媽媽，由一位新手人奶媽到二寶的媽咪，當中經歷了很多家庭會發生的育兒經驗，甚至婆媳糾紛到與另一半之間的關係變化，日子一天一天過，他們也愈來愈精靈，願他們活出自己的價值，做媽媽的我也努力生活，自身的教育及陪伴，是我給他們最好的心意，回望一下，高高低低，原來過得很充實。

做左人媽媽之後，體會到家庭嘅轉變，原來對好多女人來講，生小孩同時又要照顧家庭～

在生B後剛開始那幾年，有苦自己知，要接受新轉變同時，又要照顧大及細～正所謂自己都未顧得掂，但對方會要求你是應該搞得掂及理所當然！
你的溫柔可愛呢，去左邊？
你的體貼善良呢，去左邊？
你青春自在呢，去左邊？
係囖，自己都會問自己，去左邊！
做全職媽媽可能更顛，2個差不多大的寶，要有幾顛有幾顛。有邊個女人，唔想自己有以上好嘢，想時時都溫柔可愛美麗。

但全職家庭主婦，特別是小孩越細越難搞，人人都對你有意見，有工人姐姐就如妳已是少奶奶。小孩是自己的，他們會如香口膠般痴實妳呀～好倦時，小孩不用上課，睡久點，就有微言。我們是鐵人嗎？我們是一心一意對家庭才有幾強有幾強。但都要包容及體諒，我們生小孩時突然變身，可能係惡婆、可能係笨手笨腳可能照顧不及另一半、可能醜樣了、可能大情緒了，但骨子裡都是溫柔可愛，以小孩以家庭以另一半為心中位置。