模範家庭Step1：做孩子Buddies！7時期7交談技巧 免關係越走越遠！

想成為模範爸媽，除了能為孩子提供一個溫暖、和諧的家：夫妻良好、甜蜜的關係，與小朋友的溝通，對他們的成長也是格外重要！

心理學家余德淳博士曾提及過：要跟小朋友做交心好友，免得日後因溝通隔膜導致關係越走越遠，最重要是從小朋友角度出發，談對了他們感興趣的話題，說中他們當下年紀最想聽／家長能回應到他們的話題。

不同階段的小朋友渴求不同的談話內容，家長不妨參考參考余博士所舉的例子：

1. 幼稚園低班 - 尋找自己的價值

Photo from PRESSLOGIC

小朋友：我想幫你做嘢！（梳頭／擦鞋／洗碗／落超市買嘢幫你拎）

大部分爸爸媽媽：咪搞！一陣整壞哂／搞亂哂！

這個時候的小朋友好想幫父母做事，因為他們想顯得自己有能力去做這些事，去找到自己的價值所在。爸爸媽媽不妨放手給小朋友試，就算做不好也無妨，成功在於肯嘗試。

2. 幼稚園中班 - 展示自己的能力

Photo from PRESSLOGIC

小朋友：我有偉大嘅超人，可以打死哂你哋！（千萬不要忽視他們，當作是瘋言瘋語）

爸爸媽媽可以配合：點勁啊？（小朋友便津津樂道展示超人的厲害）

家長可即使反問：咁你食飯勁唔勁呢？（小朋友就會想食得好，去展示自己的厲害）

3. 幼稚園高班 - 發掘自己的生活背景、周遭的人、事物

Photo from PRESSLOGIC

小朋友：你估我係街度見到咩人？

你可能會答：人囉～

小朋友：佢好高！高過你㗎！

小朋友：我知樓下個看更係姓陳㗎！

這時候的小朋友，以尋找生活中特別的人物為興趣，例如最近接觸的人。因這時候的小朋友對生活背景輸入資料，若家長懂得為他們的話題作延伸，讓他們聊得開心，最初的溝通根基就打得好啦！

4. 小一 - 談選擇

Photo from PRESSLOGIC

小朋友：媽咪～原來午飯有A餐B餐C餐揀㗎～點揀好啊？

這個時候的小朋友講選擇，家長若懂得跟他們聊選擇的樂趣，他們便會很開心跟你聊天！

例如：（星期日穿甚麼？）

小朋友可能會答：媽咪～咁樣唔得㗎～唔襯色㗎～

你可以問：點解咁揀啊？可唔可以分享吓？

於是，小朋友就覺得你跟他們是同一伙的啦！

5. 小二至小三 - 談好友

Photo from PRESSLOGIC

小朋友：媽咪，今日有個好朋友借功課俾我抄，不過佢係抄隔望後面個同學㗎～

普遍家長可能會問：咁老師有無捉到你？

小朋友：無啊！我抄一個字，抄日期咋！

父母可能會說：九唔搭八，激死～

其實這個時候，小朋友開始有一些傾得埋的好朋友。

你可能會發現：阿邊個邊個最近無打俾你喎～

小朋友：係啊！佢好衰！無送生日禮物～唔彩佢啦～

他們亦在分辨哪些是好朋友、哪些不是好朋友，當你提醒他們：

X同學幾多號生日啊？你有無寫低啊？

小朋友：無喎，媽咪～即刻寫低先～

當你明白他們在著緊些甚麼，就會覺得你好傾啦！

6. 小四 - 談異性

Photo from PRESSLOGIC

小朋友：個班女仔好衰啊～（開始發現男女不同，難以配合的事）

小朋友亦會開始表達尷尬的事：老師真係衰！要我坐佢隔離，我依家側住側住望嘢好辛苦啊～

家長不妨站在小朋友立場說：你真係好好喎！你好有風度～

小朋友亦會開始有喜歡的異性：媽咪～前面個男他鍾意咗4個同學，佢話送個俾我喎～

家長不妨配合：哎呀～真係好啦～人地多得濟送個俾你～咁你還返啲咩俾人啊？

當小朋友覺得你啱傾，懂得回應他們，當他們有喜歡的異性，也會自自然跟你聊起來呢！

7. 小五至小六 - 談成就

Photo from PRESSLOGIC

小朋友：爸爸／媽媽，我班有幾個同學入選咗校隊，游水好勁，成條魚咁～我知啊～佢爸爸係游水教練，佢屋企私家教佢㗎～

小朋友這時開始遺憾沒有甚麼事情可以在人前有光榮感，所以時不時想爸爸媽媽讓他們學習新技能／上興趣班，建立特別強項，又或者叫爸爸媽媽買東西，讓他們可以在人前立足、可以炫耀。

雖知道操場是小朋友吹牛的地方，他們除了會說爸爸媽媽怎樣厲害，亦想自己成為厲害的人，家長不妨發掘小朋友的興趣，加以培育。

Text: Mami Editorial

Source: 余德淳博士演說