把握發育黃金期！小朋友必食 6大增高食物

做父母當然希望自己嘅小朋友可以生得高啲，雖然身高多數係遺傳決定，但其實亦可以靠後天努力。相信好多人都知透過做運動同充足嘅睡眠，能夠有助小朋友長高。但除咗呢兩個方法之外，亦可以從飲食入手。以下幾款食物，大家要多留意啦！

1. 牛奶

想長高就一定要攝取充足嘅鈣質，而牛奶正正擁有豐富嘅鈣質，好多家長都會叫小朋友多飲牛奶，特別係喺發育時期，希望佢哋可以吸取到更加多營養。過往有研究指出，每日飲牛奶嘅小朋友，身高相比同齡小朋友嘅平均水平高0.2厘米。牛奶的確有利增高，建議每日最少飲兩至三杯。

Photo from shutterstock

2. 海鮮（魚，蝦）

除咗鈣質，蛋白質對於骨骼生長一樣好重要，有唔少海鮮都能夠提供到，小朋友不妨多食。如：鮭魚、虱目魚、鮪魚、蝦等都含有豐富嘅蛋白質。

Photo from shutterstock

3. 牛肉

除咗海鮮，牛肉亦係另一種蛋白質含量好高嘅食物。除咗蛋白質，佢仲含有豐富嘅鐵質，對於增高好有幫助。不過同時都要注意，如果食得太多牛肉，有機會因攝取過多嘅脂肪，容易造成肥胖、心血管問題，所以要適可而止。

Photo from shutterstock

4. 雞肉

雞肉可以話係肉類中蛋白質含量最高嘅種類之一。雞肉能夠提供更多嘅蛋白質，有助小朋友嘅肌肉同組織發育。

Photo from shutterstock

5. 雞蛋

太細嘅小朋友可能未必適合食肉類或海鮮，父母不妨試下先由雞蛋著手，如蒸蛋、烚蛋等。雞蛋同樣擁有豐富嘅蛋白質，更有維生素B12，能夠帶畀小朋友充足嘅營養。

Photo from shutterstock

6. 橙

維他命都可以促進骨骼嘅生長，其中橙就有豐富嘅維他命C，可以促進腸道對於鈣質嘅吸收，小朋友發育期間不妨食多啲，仲有助增強免疫力。

Photo from shutterstock

Text：Mami Editorial